سؤال مهم...ليه احنا بس اللى كده؟؟؟؟

السلام عليكم يا اغلى شباب

انا عاوزة اعرف حاجه واحده بس ..و وحده وحده عليا
احنا ليه كده؟؟؟؟؟؟؟؟؟؟؟؟
كده ايه؟؟ اقولك..
بس الله يكرمك من غير زعل ولا عصبيه

انا عاوزه منك تلف حواليك كده فى المنتدى ...للأ مش المنتدى ده بس
فى كل المنتديااااااااااات باختلاف اتجاهاتها

هتقولى انتى هتدوخينا وخلاص ..نلف على ايه

اقولك: ياترى لاقيت واحد ..واحد بس على الاقل بيتكلم عن بلده زى مااحنا بنعمل؟؟؟؟؟؟؟؟؟؟؟؟؟؟
انا عارفه انك مش تقصد تتكلم عليها بشكل وحش ..انت بس بتضحك من همك

بس انت عاوز تفهمنى ان كل الشباب اللى حوالينا من كل البلاد مش مخنوقين زيك من بلدهم وحكومتهم كمان؟؟؟؟؟؟؟؟
كل حاجه فيها بنعمل عليها نكته وناخد السىء اللى فيها ونكبره لحد ما الدنيا كلها شرقى وغربى تعرفه

طب انا هاقولك بقى على حاجه مهمه قوى:
"تعرف ان جرأتنا فى الكلام على حكومتنا دى اكبر دليل على الحريه اللى بنتمتع بيها اكتر من غيرنا !!!!!!

عارف انا مرة سمعت نكته بتقول :
ان المصرى من خفة دمه لو مالقاش حاجه يضحك عليها يضحك على نفسه

يا ترى يا شباب هو ده هيبقى حالنا...نضحك على نفسنا !!!!!!!!!!!
انا مش ضد انك تنتقد وضع فى بلدك بس اتكلم فيه كموضوع نقاشى موضوعى

مش تعمل بلدك نكته الناس تضحك عليها!!!!

ده موضوع نقاش ...ممكن تعرفنى رأيك؟؟؟؟؟؟؟؟؟؟؟؟

موضوع رائعجدا برنسيسة
بس العيب فينا لايصلح الله ما بقوم حتى يصلحوا ما بانفسهم صح ولا غلط
وياريت يبقى الموضوع فى نقاش مستمر مبين الاعضاء

يا ريت يا نونو عشان انا فعلا كتيييييييير اوى بسال نفسى السؤال ده
ليه كتير اوى بنعمل مواضيع نتريق فيها على بلدنا وعلى حالنا واللى فيها

اه احنا سعب دمه خفيف بيعرف يضحك حتى فى عو ازاماته بس احنا كده وصلنا لدرجه التفاهه
والسفه
مفيش غيرنا بيعمل كده ويقولو مفيش ديموقراطيه
لا فى ديموقراسى فى قلة الادب بسسسسسسسسسسسس ههههههههههه

ثانكس على مرورك وياريت نسمع اراء تانيه

الموضوع كتير حلو والله يسلمو ايديكى
بس السبب هو ان كل واحد ماسك فى العيوب اللى فى بلده وسايب مميزاتها دائما يقوله زحمه وووووو
وينسو جوها وموقعها وتاريخها وينسو فضلها لا وكمان يفضلو بلاد مارحوهاش حتى قبل كده بيفضلوها بس علشان مره شافو مثلا فيها اماكن حلوه اونظافه ونظام من التلفزيون اوغيره
ويقولوه مش زى بلادنا طب بالله عليهم مش بدل ما ينتقضه ويسخروه ويكبرو المواضيع يسئلو نفسهم سؤال هو بلادنا مش كانت وربما مازلت حلوه وبلادنا ديه مش ممكن تبقى منظمه بافعالنا ونظيفه باهلها
والمشكله الاكبر عارف ان العيب من اللى فى البلد مش البلد وياريتهم بيغيرو من نفسهم لا دول بيحكوا ويتريقو بس يبصو لدول موقعها وظروفها اقل جمال مننا بكتير لكن ولدها خلوها من انظف واحلى البلاد وطبعا ده بسبب عدم الشكر وعدم الرضا والتكاسل

» لعبه جميله جدا وهى اللى يدخل يفك جمله العضو اللى قبله
» سؤال للشباب
» يا بخت اللى اسمه((احمد))
» 15 سؤال محرج لا يجيب عليها سوى الشجعان0
» لا للاستخدام العادل للانترنت((اللى مش عادل))